editor
बरेली! नवाबगञ्जःअद्य दिनाज्र्ः ७ जनवरी २०२६ इत्यस्मिन् दिने जिलाधिकारी अविनाश सिंह महोदयस्य निर्देशानुसार जनपदे नागरिकसुरक्षायाः विस्तारक्रमेण कार्यालये उपजिलाधिकारी नवाबगञ्ज, बरेली इत्यत्र एका महत्वपूर्णा सभा आयोजिता। एषा सभा उपनियन्त्रक नागरिकसुरक्षा राकेश कुमार मिश्र महोदयेन स्वीयदलस्य सह आयोजिताभूत्। सभायाः अध्यक्षता उपजिलाधिकारी नवाबगञ्ज उदित पवार महोदयेन कृता, तथा च नगरपालिका अधिशासी अधिकारी आर. आर. अंवेश महोदयस्य संयुक्ततत्त्वावधानं आसीत्। सभायां आपदामित्राणि नगरपालिकायाः सभासदाश्च उपस्थिताः आसन्। सभायाः प्रारम्भे उपजिलाधिकारी नवाबगञ्ज उदित पवार महोदयेन नागरिकसुरक्षा कार्यालयेन पूर्वं प्रदत्तानां स्वयंसेवक-भर्ती-प्रपत्राणां तथा मार्गदर्शिकायाः विषये समस्तान् उपस्थितान् पदाधिकारिणः अवगताः कृताः। तेन नागरिकसुरक्षायां स्वयंसेवकरूपेण नियुत्तäयर्थं आवश्यकाः शर्ताः स्पष्टतया निरूपिताः। तेन अधिशासी अधिकारी नवाबगञ्जं निर्देशितं यत् कार्यालयात् प्रपत्राणि प्राप्य प्रत्येकवार्डे द्वौ त्रयः योग्यव्यक्तयः चिन्हित्वा तैः प्रपत्रपूर्तिः कार्या। तदनन्तरं उपनियन्त्रक नागरिकसुरक्षा राकेश कुमार मिश्र महोदयेन नागरिक सुरक्षा विभागस्य कार्यक्षेत्रे विस्तृता जानकारी प्रदत्ता। तेन कथितं यत् नागरिकसुरक्षाविभागः मुख्यतया वायुआक्रमणात् रक्षणार्थं तथा तस्य दुष्प्रभावन्यूनिकरणार्थं स्थापितः अस्ति, अपि च प्राकृतिकमानवकृतआपदासु जनसामान्यस्य संरक्षणं तस्य प्रमुखं कर्तव्यम्। तेन एतदपि अवगतं कृतं यत् केवलं ते एव नागरिक सुरक्षायां स्वयंसेवकरूपेण नियुक्ताः भविष्यन्ति ये शारीरिकतया स्वस्थाः, निर्विवादाः, अराजनैतिक-छवियुक्ताः, समाज-राष्ट्र सुरक्षायां सेवाभावयुक्ताश्च सन्ति तथा आपदाकाले कार्यं कर्तुं सदैव तत्पराः सन्ति। उपनियन्त्रकेण अधिशासी अधिकारी नगरपालिकां नवाबगञ्जं पुनः निर्देशितं यत् सर्वैः सभासदैः सहकार्यं कृत्वा प्रत्येकवार्डे द्वौ त्रयः सदस्याः चिन्हित्वा स्वयंसेवक-भर्ती-प्रपत्र पूर्तिकार्यं शीघ्रं सम्पन्नं क्रियताम्। अस्मिन् अवसर? सहायक उपनियन्त्रक नागरिकसुरक्षा प्रमोद कुमार डागर तथा डिवीजनल वार्डन संजय पाठक महोदयाभ्यां नागरिकसुरक्षायाः कार्यप्रणाली, स्वयंसेवकानां कर्तव्याः, प्रशिक्षणव्यवस्था तथा आपदाकाले तेषां महत्त्वपूर्णा भूमिका च इत्येतत् विषये उपस्थितान् जनान् विस्तरेण अवगतं कृतम्। सभायाः अन्ते सर्वैः पदाधिकारिभिः, सभासदैः, आपदामित्रैश्च परस्परसहयोगेन कार्यं कर्तुं आह्वानं कृतं, येन नगरस्तरे जनपदस्तरे च नागरिकसुरक्षा तथा आपदाप्रबन्धनव्यवस्था अधिकतया सुदृढा प्रभावी च भवेत्।
