editor
धीरज मैथानी/देहरादूनम्। पूर्वधर्माधिकारी बद्रीनाथधा आचार्य जगदम्बाप्रसाद सती , आचार्य राधाकृष्णथपलियालः इत्येतयोः पावनसन्निधौ, उत्तराखण्ड विद्वत्सभायाः अध्यक्षेण आचार्य हर्षपति गोदियालेन समस्त विद्वत्परिषत्संरक्षकमण्डलस्य पदाधिकारिभिः च सर्वसम्मत्यानुमोदनेन, आचार्यः श्री राजेशबेंजवालः उपाख्यः राजराजेश्वरानन्द नाथः उत्तराखण्ड विद्वत्सभायाः संरक्षकत्वेन मनोनीतः। अस्मिन् गरिमामये अवसरे कार्यक्रमस्य अध्यक्षता , ज्योतिषपीठ शंकराचार्यस्य धर्माधिकारी डॉ रमेशचन्द्रपाण्डेयः अकरोत्। विशिष्ट अतिथि रूपेण सहायक निदेशकः, शिक्षा एवं संस्कृत शिक्षा विभागः, उत्तराखण्डः, डॉ चण्डीप्रसाद घिल्डियालः उपस्थितः आसीत्। कार्यक्रमस्य सफलं सञ्चालनं उत्तराखण्ड विद्वत्सभाया महासचिवः आचार्य अजयडबरालः अकरोत्। अस्मिन्नेव अवसरे पूर्वाध्यक्षः विजेन्द्रममगाईं, पूर्वमहासचिवः दिनेश भट्टः, मुकेशपन्तः, धीरजमैठाणी, राधाकृष्णमैठाणी इत्यादिभिः सह पुरोहितसमाजस्य अन्यैः विद्वद्भिश्च सह अमुना आचार्येण सार्थकी विचारोत्तेजका विशेषवार्ता विहिता। तन्त्रकुलं मन्यते यत् आचार्यः श्री राजेशबेंजवालः उपाख्यः राजराजेश्वरानन्दनाथः तपः, साधना, आत्मानुशासनं च आधृत्य दीर्घकालीनाया साधना परम्परायाः जीव न्निदर्शनं वर्तते। गुरुकृपया विधिवत् दीक्षितेन तेन कृतं दीर्घकालीनं कठोरं तपः, गायत्रीमन्त्रस्य चत्वारः पुरश्चरणाः, श्रीविद्यासाधनायां पूर्णाभिषेकः, काश्यां परमहंस गुरुदेवस्य श्रीमद् श्रीप्रकाशा नन्द नाथस्य सन्निधौ त्रिवर्षपर्यन्तम् अखण्डसाधना विहिता येन द्वात्रिंशत्काल सिद्धीनां साधनं संसाधितम्। कामाख्यापीठे अधर्त्र्यम्बक सम्प्रदायस्य (कामाख्याकौलस्य) परम्पराचार्यात् श्रीकामेश्वरानन्द नाथात् प्राप्तपूर्णाभिषेकानन्तरं सः कौलतन्त्र वेदज्योतिष शास्त्राणां समन्वयेन सनातनसाधनापरम्परां लोकहिताय प्रवर्तितवान्। तस्य तपः केवलं व्यक्तिगत सिद्ध्यर्थं न, अपि तु शास्त्रीयज्ञानस्य, पञ्चाङ्गपरम्परायाः, सनातन संस्कृतेः संरक्षणाय च समर्पितम् आसीत्। तन्त्रकुलम् उत्तराखण्ड विद्वत्सभाया एतं निर्णयं हृदयतः अभिनन्दति, तथा तपस्वीपरम्परायाः, शास्त्रीयसाधनायाः, सनातनमूल्यानां च सम्मानस्य प्रतीकं मन्यते। अन्ते, समस्तेभ्यः विद्वद्भ्यः, पदाधिकारिभ्यः, आयोजकेभ्यश्च तन्त्रकुलस्य परतः महान्तः साधुवादाः हार्दिकं चाभिनन्दनम्।
