धीरज मैथानी/बालावाला,देहरादून। संस्कृत भारती देहरादूनम् इत्यनेन संस्कृतसप्ताहस्य प्रसङ्गे संस्कृत सम्भाषणकार्यक्रमः सम्पादितः। गरिमामय वातावरणे कार्यक्रमस्य शुभारम्भे मुख्यवक्ता नागेन्द्र दत्त व्यासः सभायां भाषमाणः अवदत् ‘संभाषणमेव तादृशं सोपानम् अस्ति, येन संस्कृतभाषा व्यवहार रूपेण जीवनस्य प्रवाहत्वेन अवतरितुं शक्यते।’ अध्यक्ष पदेन विराजमानः डॉ. रामभूषणबिजल्वाणः उक्तवान् यत् सात्त्विकबुद्ध्या संस्कृतं वाग्व्यवहारे समर्च्य आत्मगौरवं भारतीयता च वर्धयितुं शक्येते। जनपदमन्त्री डॉ. प्रदीपसेमवालः सर्वेषां कार्यकर्त?णां संगठनस्य च परिचयं दत्त्वा संस्कृतसप्ताहस्य उद्देश्येषु प्रकाशमक्षिपत्। पूर्वः पूर्णकालिककार्यकर्ता विशाल प्रसाद भट्टः साभिनयं, सोदाहरणं च संस्कृत संभाषण शिक्षणं प्रदत्तवान्। सहसपुरखण्डसंयोजिका, कार्यक्रमस्य च संयोजिका डॉ. नीतु बलूनी सर्वेषां अतिथीनां प्रतिभागिनां च कृते आभारं प्रकटितवान्।
कार्यक्रमोत्तरं जनपदे संस्कृतस्य प्रसाराय प्रचाराय च सङ्गटनमंत्रिणा गौरवशास्त्रिणा सह कार्यकर्त?णाम् उपवेशनं जातम्। तत्र तेषामपेक्षितं मार्गदर्शनमवाप्तम्। नीतिशमैठाणीधीरजबिष्टौ च उक्तवन्तौ यत् एतत् आयोजनं ‘गृहे-गृहे संस्कृतम्’ इत्यभियानस्य अन्तर्गते क्षेत्रे संस्कृत भाषायाः व्यावहारिक प्रयोगस्य, प्रचार प्रसारस्य,जनजागररणस्य च प्रोत्साहनार्थम् आचरितः। अस्मिन् अवसरे उपस्थितजनाः संस्कृतेः सहज संवादे, लघुनाटिकासु, रोचकक्रीडासु, उद्घोषक वाक्यपाठे च भाषां प्रति जागरूकतावर्धनाय च विविधाः क्रियाकलापाः अनुष्ठेयाः। मञ्च सञ्चालनस्य दायित्वं सम्पर्कप्रमुखः धीरजमैठाणी वहन् आसीत्। डॉ. आनन्दमोहनजोशी मधुरं संस्कृतगीतं प्रस्तुतवान्, डॉ. बीना पुरोहित ध्येयं मन्त्रं पठितवती, कनिका सङ्ख्यागीतं गायितवती, श्रीमती रीता गुसाई च सर्वेषु व्यवस्थासु सहयोगं कृतवती। अस्मिन् अवसरे गुड्डीगुसाईं, खुशीबहुगुणा, सुशीलबहुगुणा, सुशीला नैथानी, डॉ. देशराजसिंहचौहानः, बिन्दु जोशी, सरोजः, समीक्षा सिंह, कमलादेवी, दीपा बलूनी इत्यादयः गणमान्यजनाः उपस्थिताः आसन्। संस्कृत भारती देहरादूनं सर्वान् संस्कृत प्रेमिणः, विद्वांसः, विद्यार्थिनः, सामान्य जनान् च आह्वयति यत् ते एवं प्रकारेषु आयोजनेषु अधिकतया सहभागित्वं कुर्वन्तु, संस्कृत भाषायाः संवर्धन संरक्षणयोः च योगदानं दद्युः।