editor
प्रयागराज:। वार्ताहर: । ११ अक्टूबरे राष्ट्रीय स्वयंसेवक संघ प्रयाग दक्षिणस्य तत्वावधाने श्रीकृष्णा बसत्या: लाजपतनगरस्य रामलीला उद्याने राष्ट्रीय स्वयं सेवक संघस्य शताब्दी समारोह क्रमे विजया दशमी महोत्सव: महोत्सव: सोल्लासेन सम्पन्नो जात:। समारोहस्य मुख्यातिथि: प्रान्तीय सह व्यवस्था प्रमुख: श्री राकेश जी सेंगर: आसीत् अध्यक्षश्च प्रदेशस्य एकल संस्कृत समाचार पत्रस्य आह्निक वार्ता पत्रस्य स्वत्वाधिकारी आनन्द नारायण शुक्ल: आसीत्। अध्यक्षपदं अलंकुर्वन् श्री शुक्ल: स्वोद्बोधने अकथयत् यत् संघस्य अस्मिन् शताब्दी वर्षे व्यक्तिनिर्माणत: प्रारभ्य राष्ट्रनिर्माणे अक्षयध्येय निष्ठया मां भारत्या: सेवायां सततलीनस्य राष्ट्रीय स्वयं सेवकसंघस्य गौरवशालिनी शतवर्षीया यात्रा पूर्णा अभवत्। शताब्दी वर्षस्य अस्मिन् पावनावसरे अहं सर्वेभ्य: नागरिकेभ्य: विजया दशम्या: शुभाशंसन प्रस्तौमि। अस्या: अनवरत यात्राया: शाश्वतं चालयितुं मम शुभकामना: मुख्यातिथि: श्री राकेश जी अकथयत् अयं संघ: संस्थापना कालात् एव बहुसंघर्षं कुर्वन् राष्ट्राय समर्पित: आसीत् । तेन संघस्य आगामि वर्षस्य कृते नूतनानि पंचसूत्राणि विषये विशदरुपेण व्याख्यायित:। संगच्छध्वं, संवद्ध्वं आदय: अस्य सूत्र वाक्यानि सम्पूर्णे भारते हिन्दुत्वं विस्तारयितुं लोकजागरणमाध्यमेन स्वलक्ष्यं प्रति सततं तत्पर: अस्ति। माताभूमि: पुत्रो अहं पृथिव्या: इति संकल्पनया सर्वतोभावेन समर्पिता: भवन्ति। मंचस्थ: श्री बी.डी. सिंह: (नगर संघ चालक:) कथित:- सर्वेभवन्तु सुखिन: सर्वे सन्तु निरामया:। अस्मिन् अवसरे वक्तार: संघस्य स्थापनाया: उद्देश्य: प्रकाशयन्ति। समारोहे गायत्री शक्तिपीठ व्यवस्थापक: श्री रामआसरे, संघस्य सह शारीरिक प्रमुख श्री रामधन, मुख्य शिक्षक नवीन जी, शाखा कारवाह मुकेश जी अजय जी, अनिल वर्मा सहितं नैका: कार्यकर्तार: समुपस्थिता: आसन् ।
