प्रयागराज:/वार्ताहर:। भगवतः शिवस्य समर्पिते श्रावण मासस्य प्रथम सोमवासरे यमुनातटे स्थितं श्रीमानकमेश्वर महादेव मन्दिरं सहितं नगरस्य ग्रामेषु च सर्वेषु शिवमन्दिरेषु भक्तानां भीडः अभवत्। सङ्गमे बहुसंख्यया भक्ताः गङ्गायमुनायां डुबकीं कृत्वा बाबस्य जलाभिषेकं कृतवन्तः। मज्र्मेश्वरमन्दिरे प्रदोषतः एव भक्तानां दीर्घा पङ्क्तिः दृश्यते स्म। शिवस्य जलाभिषेकं भक्ताः विधिवत् कृतवन्तः। रुद्राभिषेकं च बहुसंख्येन भक्तैः कृतम्। मन्दिरात् एक किलोमीटर्पर्यन्तं दूरं भक्तानां पङ्क्तिः आसीत्। अत्र विस्तृता सुरक्षा व्यवस्था आसीत्। हवलदाराः महिलापुलिसः च नियोजिताः आसन्। दशश्वमेध घाटतः गङ्गाजलेन सह काशीविश्वनाथ धामं प्रति बहुसंख्याकाः कांवरियाः प्रस्थिताः।