editor
लखनऊ। अप्रैल् २०२० तमे वर्षे भारतसर्वकारेण त्रयः संस्कृतविश्वविद्यालयाः केन्द्रीयविश्व विद्यालय स्वरूपेण प्रोन्नताः आसन्। तत्रैव १९६२ तमे वर्षे देहलीस्थे कुतुबसांस्थानिकक्षेत्रे स्थापितः श्रीलाल बहादुर शास्त्री राष्ट्रीय संस्कृत विश्वविद्यालयः अपि मानित विश्वविद्यालयात् केंद्रीयविश्वविद्यालयरूपेण प्रोन्नतः अभवत्। अयं विश्वविद्यालयः सर्वेषु क्रियाकलापेषु अग्रणीस्थानं प्राप्य यूजीसी-शिक्षा मन्त्रालययोः भारतसर्वकारस्य ध्यानं आकृष्टवान्। २०२५ तमे वर्षस्य मई मासे नैक-मूल्याज्र्ने ए-डबल्-प्लस-प्रमाणं प्राप्य विश्वविद्यालयः केन्द्रीयविश्वविद्यालयेषु शीर्षतमं स्थानं प्राप्तवान्, सम्प्रति तु यूजीसीद्वारा अस्मै विश्वविद्यालयाय उच्चतम मानकस्य कैटेगरी वन स्थानं प्रदत्तम्। एषः विश्वविद्यालयस्य बहुमुख विकासस्य उच्चशैक्षणिक मानकानां च अनुरूपं स्वायत्तता-स्थापनं कृत्वा विविधसोपानेषु स्वतन्त्रतया निर्णयग्रहणं करिष्यति। अस्य उपलब्धेः निमित्तं नानाविश्व विद्यालयात्, संस्थानात्, शिक्षाविद्भ्यश्च शुभकामना सन्देशाः प्राप्ताः। विदितं भवतु यत् एषः विश्वविद्यालयः पारम्परिक-आधुनिकपद्धतीं सम्प्रयुज्य छात्रान् संस्कृतसहितं विज्ञान-प्रौद्योगिकीभ्यां च सक्षमं करोति। अत्र विश्वविद्यालये वेदः, व्याकरणम्, ज्योतिषम्, वास्तुः, अद्वैतः, न्यायः, मीमांसा इत्यादयः द्वाविंशतिः परम्परागतविभागाः सञ्चाल्यन्ते। कम्प्यूटर, समाजशास्त्र,राजनीति, हिन्दी, पर्यावरणादिषु विषयेषु अपि, तथा च बी.एड्., एम्.एड्. इत्यादिषु व्यावसायिक पाठ्यक्रमेषु च संचालनं क्रियते। सम्प्रति विश्वविद्यालयस्य केटेगरी-वन इत्यस्मिन् श्रेण्यां स्थानप्राप्तेः अनन्तरं एषः विश्वविद्यालयः राष्ट्रीय-अन्तर्राष्ट्रीयमानकनिर्माणं कृत्वा आवश्यकतानुसारं वित्तीय-प्रशासनिक निर्णयान् स्वयमेव करिष्यति। नवीनपाठ्यक्रमारम्भे,फैकल्टी-स्टाफ्-नियुक्तौ च स्वतन्त्रः भविष्यति। एन्.आइ. आर्.एफ्. रैंकिंग मध्येऽस्य विश्वविद्यालयस्य उच्चं स्थानंभविष्यति। वैदेशिक-विश्वविद्यालयैः संस्थाभिश्च सह एम्.ओ.यू. संस्थाप्य अनुसन्धान सहयोगश्च सरलः भविष्यति। नवीनानुसन्धानार्थंडीएसटी,डीबीटी,सर्ब्, एआईसीटीई, यूजीसी-आद्याः संस्थाः उच्चानुदानं दास्यन्ति। स्वायत्त पाठ्यक्रमनिर्माणं कृत्वा नूतन विषयान् अन्तरविषयीयरूपप्रोग्रामांश्च प्रारभितुं शक्यते।कक्षापद्धतिः ऑनलाइन-हाइब्रिड-मोड्-रूपेण चालयितुं शक्यते।उच्चशिक्षायां उद्यमिता-इण्टर्नशिप्-कार्यक्रमाः अपि आयोजयितुं शक्यन्ते। एतेन छात्राः अन्तर्राष्ट्रीय स्तरे उद्योगैः अनुसन्धान संस्थानैश्च सह सामंजस्यं कृत्वा रोजगार लाभं प्राप्स्यन्ति।
