editor
प्रयागराज:। वार्ताहर:। माघमेला २०२६ इत्यस्य भागरूपेण सोमवासरे प्रयागराज पञ्चकोशीपरिक्रमस्य आरम्भः अभवत्। प्रयागराजमेला प्राधिकरणस्य, पञ्चदशनाम जूनाखारस्य,अखिलभारतीय-अखारापरिषदः च संयुक्त-अध्यक्षेपञ्चकोशी-परिक्रमस्य आयोजनं क्रियते। परिक्रमस्य आरम्भः संगमे स्नानेन अभवत्, यत्र बहुसंख्याकाः सन्तः, भक्ताः च आसन्। अखिलभारतीय-अखारा-परिषदः अध्यक्षः, महामण्ड लेश्वरः च अस्याः धार्मिकयात्रायां विन्टेज्-कारैः गच्छन्ति, येन भक्तानां मध्ये उत्साहस्य, विश्वासस्य च वातावरणं निर्मीयते। परिक्रमातः पूर्वं जूना-अखाडा-महासचिवः हरि गिरि महाराजः अन्यैः सन्तैः सह सम्भागीय-आयुक्तेन सौम्या-अग्रवालेन, मण्डल-दण्डाधिकारिणा मनीष-वर्मणा, अपर-आरक्षी-आयुक्तेन अजय पाल-शर्मणा, मेला-अधिकारिणा ऋषिराजेन तथा मेला-आरक्षी-अधिकारिणा नीरज-पाण्डेयेन सह मिलितवान्। ते आयोजनस्य विषये सूचनां दत्त्वा प्रशासनिक समर्थनस्य कृते कृतज्ञतां प्रकटितवन्तः। पञ्च दिवसीय पञ्चकोशी परिक्रमायां भक्ताः प्रयागराजस्य प्रमुख धार्मिक पौराणिक स्थलानां भ्रमणं करिष्यन्ति। प्रथमदिने संगमे स्नानं कृत्वा आगन्तुकानां कृते अक्षयवतः, लट्टे हनुमानमन्दिरस्य,दत्तात्रेयमन्दिरस्य, सरस्वतीकुपस्य, रामघाटस्य,मौजीगिरी समाधिस्य, ललितादेवीयाः, कल्याणी देवीयाः, वनखण्डी महादेवस्य च दर्शनं भविष्यति। द्वितीयदिने आगन्तुकानां कृते अरैलक्षेत्रे शुल्तांकेश्वर महादेवस्य, आदि माधवस्य, चक्र माधवस्य, सोमेश्वर महादेवस्य, गडा माधवस्य च दर्शनं प्रदत्तं भविष्यति। तृतीये दिने आगन्तुकानां कृते मनकमेश्वर महादेवस्य, पद्ममाधवस्य, सुजवन देवस्य, पराशर ऋषि आश्रमस्य, वाल्मीकि आश्रमस्य च भ्रमणस्य प्रस्तावः भविष्यति। चतुर्थे दिन आगन्तुकानां कृते शंखा माधव, दुर्वासा ऋषि आश्रम, संकट हरन हनुमान, पाण्डेश्वर महादेव, सीताकुंद, निषादराज स्थल, पञ्चकोशी परिक्रमस्य अन्तिमदिने संगमे स्नानं कृत्वा राम-जानकीमन्दिरं किडगञ्जं च दर्शनेन सह भव्यभोजनस्य आयोजनं भविष्यति।
