editor
नवदेहली/वार्ताहर:। केन्द्रीयनागरिकविमाननमन्त्री के.राममोहननायडुः शनिवासरे दिल्ली विमान स्थानकस्य नवीनीकरणं कृतं टर्मिनल् २ (टी२) उद्घाटितवान्। रविवासरात् आरभ्य एतत् टर्मिनल् यात्रिकाणां कृते उद्घाटितं भविष्यति। प्रायः चतुर्दशक पूर्वं भारतीयविमानस्थानकप्राधिकरणेन निर्मितं एतत् टर्मिनल् २०२५ तमस्य वर्षस्य एप्रिलमासे नवीनी करणकार्यार्थं बन्दम् अभवत् ।अधुना आधुनिक सुविधाभिः सुसज्जितस्य अस्य टर्मिनलस्य प्रतिवर्षं प्रायः १५ मिलियनयात्रिकाणां संचालनस्य क्षमता अस्ति उद्घाटनसमारोहे मन्त्री नायडुः अवदत् यत् भारतं शीघ्रमेव विश्वस्य बृहत्तमेषु नागरिक विमान व्यवस्थासु अन्यतमं भवितुम् अर्हति। सः अवदत् यत् विमान स्थानकस्य अन्तर्राष्ट्रीयकेन्द्रत्वेन विकासाय सम्पूर्णं पारगमनव्यवस्थां अधिकं कार्यक्षमतां सुव्यवस्थितं च करणीयम्। नायडु इत्यनेन एतदपि दर्शितं यत् यदि विमानस्थानकस्य स्थानस्य सम्यक् प्रभावी रूपेण उपयोगः भवति तर्हि दिल्ली विमान स्थानकस्य प्रतिवर्षं प्रायः १३ कोटि यात्रिकाणां संचालनस्य क्षमता वर्तते। राष्ट्रिय राजधानीयाम् इन्दिरा गान्धी-अन्तर्राष्ट्रीय विमानस्थानकस्य त्रीणि टर्मिनल्-स्थानानि–चत्वारि धावनमार्गाः च सन्ति। दिल्ली अन्तर्राष्ट्रीयविमानस्थानकस्य मुख्यकार्यकारी अधिकारी विदेहकुमार जयपुरियार् इत्यनेन उक्तं यत् विमानस्थानकस्य वार्षिकयात्रिकाणां संचालनक्षमता एककोटिभ्यः अधिका अस्ति। नागरिकविमाननमन्त्री के.रमोहननायडुः अवदत् यत् विमानस्थानकं विश्वस्तरीयपारगमनकेन्द्रे परिणतुं सर्वकारः कार्यं त्वरयति। सः अवदत् यत् उत्तरक्षेत्रस्य कुलयात्रिकयानस्य प्रायः ५० प्रतिशतं दिल्लीनगरं सम्पादयति, प्रतिदिनं च प्रायः ५०,००० यात्रिकान् स्थानान्तरयति, येन एतत् प्राधान्यं पारगमनकेन्द्रं भवति। प्रायः ४० वर्षाणि पुरातनं टर्मिनल् २ अस्मिन् वर्षे एप्रिलमासे नवीनी करणार्थंबन्दम् आसीत्। अक्टोबर् २५-२६ दिनाङ्के रात्रौ पुनः उद्घाट्यते। अस्मिन् शिशिरस्य विमान यानस्य समयसूचने गतवर्षस्य अपेक्षया प्रायः १३ प्रतिशतं अधिकानि विमानयानानि भविष्यन्ति। शीतकालीन विमानयानस्य समय सूची २०२५ तमस्य वर्षस्य अक्टोबर्-मासस्य २६ दिनाज्रत् २०२६ तमस्य वर्षस्य मार्च-मासस्य२८ दिनाज्र् पर्यन्तं भविष्यति।
