editor
प्रयागराज:। वार्ताहर:। मंगलवासरे केन्द्रीयक्षेत्रीयपरिषदः २५ तमे सभायां मुख्यमन्त्री पुष्करसिंहधामी भागं गृहीतवान्। एषा सभा उत्तरप्रदेशस्य वाराणसी नगरे गृहमन्त्री अमितशाहस्य अध्यक्षतायां सम्पन्नवती। उत्तरप्रदेशस्य मुख्यमन्त्री योगी आदित्य नाथः, मध्यप्रदेशस्य मुख्यमन्त्री मोहन यादवः, छत्तीसगढस्य मुख्यमन्त्री विष्णुदेव साई इत्यादयः अनेके मन्त्रिणः अपि भागं गृहीतवन्तः। केन्द्रीय क्षेत्रीय परिषदः सभायां मुख्यमन्त्री पुष्करसिंह धामी राज्य सम्बद्धाः अनेके महत्त्वपूर्णाः विषयाः उत्थापित वन्तः। अन्तर्राष्ट्रीय सीमानां सीमान्तं उत्तराखण्ड राज्यं सामरिकदृष्ट्या महत्त्वपूर्णम् इति मुख्यमन्त्री अवदत्। एतत् दृष्ट्वा राज्यस्य सीमान्त क्षेत्रेषु मार्ग-सञ्चार-सुरक्षा-रसद-आपूर्तिस्य पर्याप्त सुविधाः प्रदातुं आवश्यकाः सन्ति। सः केन्द्रीय गृहमन्त्रीम् आग्रहं कृतवान् यत् सः सीमामार्ग सङ्गठनस्य माध्यमेन उत्तराखण्डाय अधिकाधिकं साहाय्यं करोतु। वाइब्रेण्ट् विलेज् कार्यक्रमस्य अन्तर्गतं राज्यस्य सीमान्त ग्रामेषु सुविधानां विकासः करणीयः येन तत्र प्रवासस्य निवारणे साहाय्यं कर्तुं शक्यते। सीमाक्षेत्रेषु संचारसुविधानां विकासाय भारतजाल योजना, ४-जी विस्तार परियोजना, उपग्रहाधारित सञ्चार सेवाः च आरभ्यत इति अपि अनुरोधं कृतवान्। सभायां मुख्यमन्त्री केन्द्रसर्वकारेण उत्तराखण्डराज्यस्य हिताय केचन नीतिप्रावधानाः शिथिलाः कर्तुं अपि आग्रहः कृतः। प्रधानमन्त्री आवासयोजनायाः केन्द्रीय अनुदानं एकसमये आवंटनं कृत्वा राज्ये प्रधानमन्त्री ग्रामीण सदक योजनायाः कुशलसञ्चालनार्थं अतिरिक्त सहायतां प्रदातुं माङ्गं कृतवान्। मुख्यमन्त्री राज्ये साहसिक पर्यटनस्य सम्भावनाः दृष्ट्वा अन्तर्राष्ट्रीय साहसिक क्रीडाप्रशिक्षण केन्द्रस्य स्थापनायै सहकार्यं याचितवान्। सः केन्द्रसर्वकारेण अपि आग्रहं कृतवान् यत् उत्तराखण्डे २०२६ तमे वर्षे नन्दरज्जतयात्रायाः, २०२७ तमे वर्षे कुम्भ मेलायाः सफलस्य भव्यस्य च आयोजनाय आवश्यकं समर्थनं दातव्यम्। मुख्यमन्त्री उक्तवान् यत् उत्तराखण्डराज्यस्य ७१ प्रतिशतं क्षेत्रफलं यत्र प्रायः ८० प्रतिशतं पर्वतीयक्षेत्रं वनक्षेत्रम् अस्ति। राज्यस्य जटिल भौगोलिक स्थितेः, विविध प्राकृतिक विपदानां च कारणात् राज्यस्य आर्थिक क्रिया कलापाः सीमिताः सन्ति। एतासां प्रतिकूल परिस्थितीनां, सीमित सम्पदां च अभावेऽपि राज्यस्य अर्थव्यवस्थायां प्रायः सार्धगुणं वृद्धिः अभवत्। उत्तराखण्डः २०२३-२४ तमे वर्षे निटी आयोगेन विमोचिते एसडीजी-क्रमाज्र्ने प्रथमं स्थानं प्राप्तुं सफलः अभवत्।
