editor
वार्ताहरः-दीनदयाल शुक्लः/रामनगरम्। पीएनजी-राजकीय-स्नातकोत्तर महाविद्यालय-रामनगरम् इत्यस्य भौतिकीविभागस्य शोधच्छात्र: कृष्णपालनेगि: कुमाऊंविश्वविद्यालयः नैनीतालम् द्वारा पीएचडी शोधोपाधिना विभूषित:। गढवालहिमालयस्य उत्तरकाशी क्षेत्रे ‘मृत्तिकातः पर्यावरणपर्यन्तं रेडॉनजननस्य अध्ययनं तथा च परिवहनस्य अध्ययनम’ विषये शोधकार्यं शोधकर्त्ता कृष्ण पालनेगी कृतवान्। गढ़वालविश्वविद्यालयस्य प्रोफेसर आरसीरमोला इत्यस्य (मेण्टरशिप) निरीक्षकत्वे राजकीय स्नातकोत्तर-महाविद्यालय रामनगरस्य भौतिक विज्ञान विभागस्य सहायक प्राध्यापक: डॉ. सुभाषचन्द्रः इत्यस्य कुशलमार्ग दर्शने अनेन स्वीयं शोधकार्यं सम्पादितम्। कुमाऊँ विश्वविद्यालये भौतिकशास्त्र विभागस्य प्रमुख समन्वयक प्रोफेसर सूचीबिष्टवर्याणाम् आध्यक्ष्ये मौखिक परीक्षा समायोजिता सम्पन्ना च। परीक्षायाः बाह्यपरीक्षकः दिल्ली विश्व विद्यालयस्य भौतिकशास्त्रविभागस्य प्राध्यापकः संजयकुमारचमोली आसीत्। परीक्षकाः तेन कृतस्य शोधकार्यस्य प्रशंसाम् अकुर्वन्, तत् गुणात्मकं चेति उक्तवन्तः। अवसरेऽस्मिन् बाह्य परीक्षकत्वेन प्राध्यापक:संजयकुमार चमोली, भौतिकी विभागाध्यक्ष: सूचीबिष्ट:, शोधनिर्देशक: डॉ. सुभाषचन्द्र:, डॉ. राकेशनेगी आदय: शोधकर्त्रे कृष्णपालाय वर्धापनानि शुभा कामनाश्च दत्तवन्त:। शोधोपाधि लब्धये रामनगर महाविद्यालयस्य प्राचार्य: प्रो. एम. सी. पाण्डेवर्यः, मुख्यशास्ता प्रो.एस.एस.मौर्य:, भौतिकी विभागाध्यक्ष: डॉ. लवकुश कुमार:, प्रो.जे.एस. नेगी, डॉ. प्रमोद जोशी, डॉ. मूलचन्द्रशुक्ल:, डॉ. अनुराग श्रीवास्तव:, डॉ. पी.सी. पालीवाल:, डॉ. डी.एन.जोशी इत्यादय: शुभकामना: प्रायच्छन्। कृष्णपालनेगिना अस्य सफलतायाः श्रेयः स्वगुरुभ्यः स्वपरिवार जनेभ्यश्चच प्रदत्तम्।
