देहरादून। कन्या गुरुकुले राजपुरमार्गे वरिष्ठवर्गीय संस्कृत स्पर्धा वैदिकमंगलाचरणेन आरब्धा, अनन्तरं विभिन्नविद्यालयेभ्यः आगताः प्रतिभागिनः श्लोकोच्चारणे समूहगाने समूहनृत्ये वादविवादे आशुभाषणे संस्कृत नाटके च उत्साहपूर्णां सहभागितां कृतवन्तः। स्पर्धासु श्लोकोच्चारणे प्रथमस्थाने द्रोणस्थली आर्ष कन्या गुरुकुलं, द्वितीयस्थाने श्री गुरु राम राय लक्ष्मण संस्कृत उत्तर मध्यमा विद्यालयः, तृतीयस्थाने श्री शिवनाथ संस्कृत महाविद्यालयः, संस्कृतनाटके प्रथमं सनातन धर्म इन्टर कॉलेज रेसकोर्स, द्वितीयं राजकीय इन्टर कॉलेज पटेलनगरं, समूहगाने प्रथमं द्रोणस्थली आर्ष कन्या गुरुकुलं, द्वितीयं श्री शिवनाथ संस्कृत महाविद्यालयः, तृतीयं राजकीय इन्टर कॉलेज पटेल नगरम्, समूहनृत्ये प्रथमं कन्या गुरुकुल महाविद्यालयः, द्वितीयं राजकीय बालिका इन्टर कॉलेज अजबपुर तृतीयं महादेवी कन्या पाठशाला, वादविवादे प्रथमं द्रोणस्थली आर्ष कन्या गुरुकुलम्, आशुभाषणे प्रथमं कन्या गुरुकुल महाविद्यालयं द्वितीयं द्रोणस्थली आर्ष कन्या गुरुकुलं च स्थानानि प्राप्नुवन कार्यक्रमस्य अध्यक्षः डॉ शैलेन्द्र प्रसाद डंगवालोऽवर्तत। तेन संस्कृतभाषायाः आध्यात्मिक वैज्ञानिक सांस्कृतिक च महत्त्वं निरूप्य विद्यार्थिनः संस्कृताध्ययने निरन्तरतां धारयितुं प्रेरिताः। समारोहस्य मुख्यातिथिः भागवतप्रवक्ता समाजसेवी गढवालभ्रातृमंडलीसदस्यश्च आचार्य मुकेशपन्तः संस्कृतं भारतीयज्ञानपरम्परायाः आधारशिलां वर्णयित्वा नियमिताभ्यासस्य महत्त्वं समाख्यातवान् विशिष्टातिथिः डॉ मनीषा भण्डारी प्रतिभागिनां उत्कृष्ट प्रदर्शनं प्रशंस्य संस्कृतभाषाया भारतीय संस्कृतिसंरक्षणे महत्वपूर्णं स्थानं प्रतिपादितवती। समारोहस्य प्रास्ताविकं कथनं खण्डसंयोजकेन आचार्येण नवीनभट्टेन उक्तम्। तेन प्रतियोगितायाः रूपरेखाउद्देश्यानि अकादम्या संस्कृतोन्नयनार्थं क्रियमाण प्रयत्नाश्च सूचिताः। धन्यवादं दुर्गेशभट्टः अकरोत्। सम्पूर्णकार्यक्रमस्य सञ्चालनं धीरजमैठाणिना विहितम्। विभिन्नविद्यालयेभ्यः आगतेषु विद्वत्सु निर्णेतृषु च डॉ आनन्द मोहनजोशी, डॉ आरती गौडः डॉ दीपक नवानी, डॉ सीमा बिजल्वाणः , एकता, डॉ दीपशिखा, मीरा, सुनीता पवारः, श्रीमती अलका, सरिताविष्टः मुकेशखण्डूडी इत्यादीनां योगदानम् महत् अवर्तत। वैदिक मन्त्रोच्चारणैः सांस्कृतिकप्रस्तुतिभिः अनुशासन युक्त सहभागितया च वरिष्ठवर्गीय संस्कृतप्रतियोगिता सफलतया सम्पन्ना इति सर्वत्र प्रशंस्यते। प्रतियोगिभिः सह तेषां शिक्षकैः छात्रैः अभिभावकैः व्यवस्थापकैश्च कार्यक्रमे आधिक्येन उपस्थितिःनिर्व्यूढा।