देहरादून/वार्ताहर:। एडीबी इदानीं उत्तराखण्डस्य टिहरी-सरोवर क्षेत्रे स्थायि-समावेशी-जलवायु-अनुकूल-पर्यटनस्य विकासाय स्वहस्तं प्रसारितवान् अस्ति। अस्य अन्तर्गतं एडीबी अस्य कृते १११६ कोटि रूप्यकात् अधिकं (१२६.४२ मिलियन डॉलर) सहायतां दास्यति। अस्य कृते नूतन दिल्ली नगरे केन्द्र सर्वकारस्य एडीबी-इत्यस्य च मध्ये ऋणसम्झौता अपि कृता अस्ति। एतेन ८७ सहस्राधिकाः स्थानीय निवासिनः,प्रतिवर्षं आगच्छन्तः २७ लक्षं पर्यटकाः च लाभान्विताः भविष्यन्ति उत्तराखण्डस्य तेहरीक्षेत्रं जलवायु संवेदनशीलं अपि च आर्थिक दृष्ट्या अपि वंचितम् अस्ति। अत्र पर्यटनस्य अपारसंभावनाः सन्ति। अस्य कृते आधारभूत संरचनानां विकासस्य, उत्तम स्वच्छतायाः, अपशिष्टप्रबन्धनस्य अपि च आपदा प्रबन्धनस्य आवश्यकता आसीत्। एतत् दृष्ट्वा केन्द्रेण एडीबी इत्यस्मै क्षेत्रस्य विकासाय प्रस्तावः कृतः आसीत्। यस्मिन् एडीबी १११६ कोटि रूप्य काधिकं ऋणं अनुमोदितवान् अस्ति। वित्तमन्त्रालयस्य आर्थिक कार्याणां संयुक्त सचिवः जूही मुखर्जीएडीबीइत्यस्यभारतप्रभारी काई वी येओ च इत्येतयोः मध्ये नूतन दिल्लीनगरे सम्झौता कृता। सम्झौते हस्ताक्षरं कृत्वा संयुक्त सचिवः जूही मुखर्जी अवदत् यत् ऋणं तेहरी-सरोवर क्षेत्रस्य विविधता पूर्णं, सर्वऋतु-पर्यटनस्थलरूपेण विकसितुं साहाय्यं करिष्यति। अयं क्षेत्रः प्राथमिकता क्षेत्रत्वेन चिह्नितः अस्ति। एडीबी-प्रभारी अधिकारी येओ इत्यनेन उक्तं यत् एषा परियोजनाजलविद्युत्-उत्पादक-सरोवरस्यपरितःस्थायि पर्यटनस्य आदर्शं प्रस्तुतं करोति। रोजगारस्य निर्माणार्थं, स्थानीय निवासिनां आयं वर्धयितुं, जलवायुस्य निर्वाहार्थं च बहुपक्षीयं दृष्टिकोणं स्वीकुर्वति।